Ağstafada gənc oğlanı maşın vuraraq öldürüb

Ağstafa rayonunda ölümlə nəticələnən yol-nəqliyyat hadisəsi baş verib.

Sizinxeber.az-nın yerli bürosunun məlumatına görə, hadisə rayon ərazisində qeydə alınıb.

Hərəkətdə olan avtomobil 2004-cü il təvəllüdlü E. Fazıyevi vurub. Gənc oğlan aldığı ağır xəsarətlərdən hadisə yerində keçinib.

Məlumata görə, qəzada ölən piyada bir neçə gün əvvəl hərbi xidmətdən qayıdıbmış.

Faktla bağlı araşdırma aparılır.