Sabirabad sakini həmyerlisinə balta ilə xəsarət yetirib

Sabirabad sakininə balta ilə xəsarət yetirilib.

Sizinxeber.az-nın Mil-Muğan bürosunun məlumatına görə, hadisə ötən gün Sabirabad şəhərində yerləşən kafelərdən birində baş verib.

Aralarında yaranmış mübahisə bir gəncin digərinə balta ilə xəsarət yetirməsi ilə nəticələnib. Yaralı Bakı şəhərinə xəstəxanalardan birinə aparılıb.

DİN-in Mətbuat Xidmətinin Şirvan regional qrupundan Sizinxeber.az-nın sorğusuna cavab olaraq bildirilib ki, aralarında yaranmış mübahisə zəminində Nəriman Məmmədova kəsici alətlə xəsarət yetirən Mövlam Məmmədov polis əməkdaşları tərəfindən saxlanılıb.

Faktla bağlı cinayət işi açılıb, araşdırma aparılır.