Beynəlxalq axtarışda olan Tacikistan Respublikasının vətəndaşı Azərbaycan tərəfindən ölkəsinə təhvil verilib.

Sizinxeber.az xəbər verir ki, bu barədə Azərbaycan Baş Prokurorluğundan məlumat verilib.

Tacikistanda ekstremist fəaliyyətlə məşğul olan qadağan edilmiş təşkilatın fəaliyyətində iştirak etməkdə təqsirləndirilərək, dövlətlərarası axtarışa verilmiş 1999-cu il təvəllüdlü Tacikistan Respublikasının vətəndaşı Mirzoyev Saddam Romişoviçin cinayət məsuliyyətinə cəlb edilməsi üçün verilməsinə dair həmin dövlətin Baş Prokurorluğunun vəsatəti Azərbaycan Respublikasının Baş Prokurorluğu tərəfindən təmin edilib.

S.R.Mirzoyev cari ilin mart ayında Azərbaycanda müəyyən edilərək saxlanılıb, barəsində həbs qətimkan tədbiri seçilib.

"Mülki, ailə və cinayət işləri üzrə hüquqi yardım və hüquqi münasibətlər haqqında” 07.10.2002-ci il tarixli Konvensiyaya əsasən təqsirləndirilən şəxsin ekstradisiyası haqqında qərar qəbul edilərək, sonuncu Ədliyyə Nazirliyinin Penitensiar Xidmətinin xüsusi konvoyunun müşayiəti ilə Tacikistan Respublikasının səlahiyyətli orqanına təhvil verilib.

Oxşar xəbərlər

Azərbaycan beynəlxalq axtarışda olan Tacikistan vətəndaşını təhvil verib

Azərbaycan Özbəkistan Prezidentinin şərəf və ləyaqətini alçaltmaqda təqsirləndirilən şəxsi təhvil verib

Naxçıvanda saxlanılan Türkiyə vətəndaşı Özbəkistana təhvil verilib

Beynəlxalq axtarışda olan şəxs Azərbaycanda saxlanılaraq Qazaxıstana təhvil verilib

Azərbaycan beynəlxalq axtarışa verilmiş şəxsi Özbəkistana təhvil verib