Bu gün Ucarda baş vermiş 2 yanğın hadisəsi söndürülüb

Ucarda gün ərzində 2 yanğın hadisəsi baş verib.

Sizinxeber.az-nın yerli bürosunun xəbərinə görə, ilk hadisə rayonun Xələc kəndində qeydə alınıb.

Belə ki, kənd sakini, Məhərrəmov Azər Abdulxalıq oğluna məxsus 500 ədəd ot bağlaması yanıb.

Digər hadisə isə rayonun Alpout kəndində baş verib. Kənd sakini, Əliyev Əlirza Mehdiqulu oğluna məxsus ümumi sahəsi 150 m² olan tövlənin 50 m² hissəsi və 1,5 ton ot bağlaması yanıb.

Yanğınlar FHN-in Ucar Rayon Yanğından Mühafizə Hissəsinin bölmələri tərəfindən söndürülüb.