Ağdam, Xocalı, Xocavənd, Füzuli və Ağdərə rayonlarında mürəkkəb relyefli dağlıq ərazidə baş vermiş yanğınların söndürülməsi istiqamətində Fövqəladə Hallar Nazirliyi tərəfindən zəruri və təxirəsalınmaz tədbirlərin görülməsi davam etdirilir.

Bu barədə Sizinxeber.az-ya FHN-nin Mətbuat xidmətindən məlumat verilib.

Bildirilib ki, hazırda yanğınların söndürülməsi əməliyyatına FHN-in Dövlət Yanğından Mühafizə Xidməti, Xüsusi Riskli Xilasetmə Xidməti, Mülki müdafiə qoşunları, Qarabağ Regional Mərkəzi və Aviasiya dəstəsindən ümumilikdə 620 nəfərdən ibarət şəxsi heyət, 51 ədəd texnika, o cümlədən 4 ədəd helikopter cəlb olunub.

"Relyefin mürəkkəbliyi, havanın yüksək temperaturu və küləkli olması yanğınsöndürmə işlərini çətinləşdirsə də yanğınla mübarizə tədbirləri günün gecə və gündüz saatlarında fasiləsiz olaraq həyata keçirilir", - məlumatda qeyd olunub.

Oxşar xəbərlər

FHN: Ağdam, Xocalı, Xocavənd, Füzuli və Ağdərədə yanğınların söndürülməsi davam etdirilir - VİDEO

FHN: Ağdam və Ağdərədə açıq ərazidə yanğın nəzarətə götürülüb

FHN-in Dövlət Yanğından Mühafizə Xidməti Xaçmazda təlim keçirib - VİDEO

Cəlilabadda dağlıq ərazidə yanğının söndürülməsinə helikopterlər cəlb olunub - FOTO - VİDEO - YENİLƏNİB-2

Xocavənddə yanğın baş verib, əraziyə helikopter cəlb olunub - VİDEO