Ağdərədə yanğının söndürülməsinə helikopterlər cəlb olunub - EKSKLÜZİV FOTO və VİDEO GÖRÜNTÜLƏR - YENİLƏNİB

Ağdərə rayonunun Talış kəndi istiqamətində başlamış yanğının söndürülməsi istiqamətində əməliyyatlar davam edir.

APA-nın yerli bürosunun xəbərinə görə, yanğınsöndürmə tədbirlərinə FHN-nin yanğınsöndürən briqadaları və aviasiya dəstəsinin 2 helikopteri cəlb olunub.

APA-nın əməkdaşı yanğının söndürülmə prosesini helikopterdən müşahidə edib və lentə alıb.

***

10:52

Ağdərə rayonunda daha bir istiqamətdə yanğınlar başlayıb.

APA-nın yerli bürosunun xəbərinə görə, rayonun Talış kəndi ərazisində boşluq sahədə yanğınlar başlayıb.

Hadisə yerinə FHN-nin yanğınsöndürən briqadaları, həmçinin aviasiya dəstəsinin helikopterləri cəlb olunub.

Yanğının qarşısının alınması istiqamətində əməliyyatlar davam etdirilir.