Axtarışa verilmiş Özbəkistan vətəndaşı Azərbaycan tərəfindən təhvil verilib.

Baş Prokurorluqdan APA-ya verilən məlumata görə, Özbəkistan Respublikasının Baş Prokurorluğu ilə cinayətkarlığa qarşı mübarizə sahəsində əməkdaşlıquğurla davam etdirilir. 1982-ci il təvəllüdlü Özbəkistan Respublikasının vətəndaşı Yusupov Amonbek Abdulxakoviçin (Yusupov Amonbek Abdulkhakovich) cinayət məsuliyyətinə cəlb edilməsi üçün verilməsinə dair həmin dövlətin Baş Prokurorluğunun vəsatəti Azərbaycan Respublikasının Baş Prokurorluğu tərəfindən təmin edilib.

Özbəkistanda Prezidentin şərəf və ləyaqətini alçaltma cinayətinin törədilməsində təqsirləndirilərək, dövlətlərarası axtarışa verilmiş A.A.Yusupov cari ilin aprel ayında Azərbaycanda müəyyən edilərək saxlanılıb, barəsində həbs qətimkan tədbiri seçilib.

"Mülki, ailə və cinayət işləri üzrə hüquqi yardım və hüquqi münasibətlər haqqında” 07.10.2002-ci il tarixli Konvensiyaya əsasən təqsirləndirilən şəxsin ekstradisiyası haqqında qərar qəbul edilərək, sonuncu Ədliyyə Nazirliyinin Penitensiar Xidmətinin xüsusi konvoyunun müşayiəti ilə Özbəkistan Respublikasının səlahiyyətli orqanına təhvil verilib.

Oxşar xəbərlər

Azərbaycan beynəlxalq axtarışa verilmiş şəxsi Özbəkistana təhvil verib

Azərbaycan Özbəkistanda axtarışda olan şəxsi ölkəsinə ekstradisiya edib

Azərbaycan axtarışa verilən Özbəkistan vətəndaşlarını təhvil verib

Naxçıvanda saxlanılan Türkiyə vətəndaşı Özbəkistana təhvil verilib

Azərbaycan beynəlxalq axtarışda olan Tacikistan vətəndaşını təhvil verib