Culfada avtomobil ana və qızını vurub

Culfa rayonunda avtomobil iki piyadanı vurub

"Report"un yerli bürosunun məlumatına görə, gecə saatlarında baş verən hadisə zamanı rayonun Yaycı kənd sakini, 1993-cü il təvəllüdlü Rəhimov Naim Əlirza oğlu idarə etdiyi BMW markalı avtomobil ilə həmin kənd sakinləri -1981-ci il təvəllüdlü Kələntərova Tərifə Camal qızı və onun qızı, 2017-ci il təvəllüdlü Kələntərova Nur İlham qızını vurub.

Onlar Naxçıvan Muxtar Respublika Xəstəxanasına yerləşdiriliblər.

N. Kələntərovanın vəziyyəti ağır olduğu üçün Bakı şəhərinə təxliyyə olunub.

Fakt hüquq-mühafizə orqanları tərəfindən araşdırılır.