Sosial şəbəkələrdə Abşeron rayonu, Xırdalan şəhərində çoxmənzilli yaşayış binasında sakinlərdən birinin guya zorakılığa məruz qalması ilə bağlı görüntülər yayılıb.

APA xəbər verir ki, bu haqda Daxili İşlər Nazirliyinin Mətbuat Xidməti məlumat yayıb.

DİN-in Mətbuat Xidmətinin əməkdaşı Elbrus İbrahimovun verdiyi məlumata görə, 33 yaşlı həmin şəxs sərxoş vəziyyətdə olub və təhlükəli davranışlar nümayiş etdirdiyindən ailə üzvləri binanın komendantını dəvət ediblər. Məqsəd baş verə biləcək mümkün insidentin qarşısını almaq olub.

Araşdırmalarla müəyyən olunub ki, görüntülərdə əks olunan şəxs hadisə zamanı hər hansı zorakılıq və ya cinayət xarakterli hərəkətə məruz qalmayıb. Onun sərxoş vəziyyətdə hüquqazidd davranışlarının qarşısı alınıb və həmin şəxs polis orqanına aparılıb.

Faktla bağlı araşdırma aparılır.

Oxşar xəbərlər

DİN Xırdalanda yayılan görüntülərlə bağlı açıqlama yayıb

Bakıda sərxoş sürücü piyadanı vuraraq ölüdürüb

Ağstafada toydan 2 yaşlı uşağı oğurlayan qazi saxlanılıb

Sürücülük hüququ olmadan sərxoş halda maşın sürən şəxs həbs edilib

Avtomobillərlə təhlükəli manevrlər edən bir qrup veteranın əməllərinin qarşısı alınıb