İran İslam Respublikasından keçən Bakı-Naxçıvan-Bakı avtobus reyslərinin fəaliyyətində problem aradan qaldırılıb.

Sizinxeber.az xəbər verir ki, avtobuslar müvəqqəti olaraq İranda saxlanılıb, lakin sonradan buraxılıblar.

Artıq avtobuslar Naxçıvana çatır.

AYNA-dan Sizinxeber.az-nın sorğusuna cavab olaraq bildirilib ki, Bakı-Naxçıvan-Bakı reysi üzrə sərnişin daşımaları 14 iyun 2025-ci il tarixindən müvəqqəti olaraq dayandırılsa da, 19 iyul tarixindən sözügedən daşımalar bərpa edilib və ilk avtobus daşımanı icra edib. Növbəti 3 avtobus ilə bağlı qarşı tərəfdən əlavə məlumat sorğusu daxil olub və müvafiq məlumatlar təqdim edilib. Bununla əlaqədar olaraq, marşrut üzrə 3 avtobus gömrük-keçid məntəqəsində yubanıb. Artıq avtobuslar gömrük- keçid məntəqəsini keçərək marşrut üzrə hərəkətini davam etdirir.
Marşrut üzrə daşımaların fasiləsiz həyata keçirilməsi məqsədilə davamlı birgə işlər aparılır.

Oxşar xəbərlər

Naxçıvan-Bakı-Naxçıvan avtobus reysləri bərpa ediləcək

Bakı-Naxçıvan-Bakı avtobus reysləri fəaliyyətini dayandırıb

Bakı-Naxçıvan-Bakı avtobus reyslərinin fəaliyyəti bərpa olunur

Bakıda avtobus marşrutuna hücum edənlər cəzalandırılıb - FOTO

Bakı-Sumqayıt istiqamətində yeni ekspres avtobus marşrutu istifadəyə verilib