Dini Liderlərin Qlobal Sammitinin iştirakçılarının Qarabağa səfəri başlayıb.

"Report"un azad olunmuş ərazilərə ezam olunmuş əməkdaşı xəbər verir ki, Qafqaz Müsəlmanları İdarəsinin (QMİ) rəhbəri Şeyxülislam Allahşükür Paşazadənin rəhbərliyi ilə qonaqları Füzuli Hava Limanında Azərbaycan Prezidentinin Ağdam, Füzuli, Xocavənd rayonlarındakı xüsusi nümayəndəsinin müavini Eldar Seyidov qarşılayıb.

Din və hökumət nümayəndələri səfər çərçivəsində Füzuli, Ağdam, Xocalı, Əskəran, Xankəndi və Şuşada işğal dövründə erməni vandalizminə məruz qalan abidələrin dağıntıları ilə tanış olacaqlar. Onlar məscid və ziyarətgahlara baş çəkəcək, azad olunmuş ərazilərdəki bərpa-quruculuq işləri ilə bağlı məlumatlandırılacaqlar.

Bildirilib ki, Türkiyənin Diyanət İşləri İdarəsinin sədri Ali Erbaşın Ağdam Cümə məscidində azan verməsi, ziyarətçilərin camaat namazı nəzərdə tutulur. Bu, Ağdam Cümə məscidində təmir-bərpa işlərinin yekunlaşmasından sonra ilk dəfə qılınacaq camaat namazıdır.

Oxşar xəbərlər

Ağdam Cümə məscidində 31 ildən sonra camaat namazı qılınacaq

Gürcüstandan gələn ruhanilər Ağdam Cümə məscidində şükür namazı qılıb

Gürcüstandan gələn ruhanilər Ağdam Cümə məscidində şükür namazı qılıb - FOTOLENT

Ağdam, Füzuli və Xocavənd rayonlarına Prezidentin xüsusi nümayəndəsi təyin edildi

Dini Liderlərin Qlobal Sammitinin ikinci günü başlayıb