Deputat: "İnsanlar rentgen üçün Bakıya gəlmək məcburiyyətində qalırlar"

"Səhiyyə naziri ya çox yumşaq adamdır, ya da bilmirəm nə baş verir. Həkimlər regionlara getmirlər. Əslində isə göndərilmirlər".

Sizinxeber.Az xəbər verir ki, bunu Milli Məclisin deputat Səyyad Aran "Azərbaycan Respublikasının İnsan Hüquqları üzrə Müvəkkilinin (Ombudsmanın) 2025-ci il üzrə məruzəsi"nin müzakirəsi zamanı deyib.

"İnsanlar rentgendən keçmək üçün Bakıya gəlməlidirlər. Belə şey olar? Sonra da cavablarını aparıb rayonda həkiminə verir ki, gedib-gəldim", - deputat gileylənib.