Sizinxeber.Az

Nazir: Son iki ildə kino sahəsinə vəsait məhdudlaşdırılıb

0 1

Etiraf etməliyəm k, son iki ildə kino sahəsinə vəsaitin ayrılmasını məhdudlaşdırmışıq. Amma heç bir deputat əvvəlki illərdə kifayət qədər böyük həcmdə ayrılan vəsaitin müqabilində çəkilən hansısa kino əsərinin olub-olmaması məsələsinə toxunmur.

Oxu.Az xəbər verir ki, bu fikri Milli Məclisin (MM) Mədəniyyət, Əmək və sosial siyasət, Ailə, qadın və uşaq məsələləri, Elm və təhsil, Səhiyyə komitələrinin birgə keçirilən iclasında çıxış edən maliyyə naziri Samir Şərifov deyib.

Onun sözlərinə görə, əvvəlki illərdə bu sahəyə hər il təxminən səkkiz milyon dollara yaxın vəsait ayrılıb.

Nazirin fikrincə, bu, kifayət qədər böyük vəsaitdir:

“Bu məsələyə sistemli yanaşma lazımdır. Daha səmərəli mexanizm yaradılarsa, bu mexanizm yüksək keyfiyyətə malik kino əsərlərinin yaradılmasına xidmət edər. Təkcə onu qeyd etmək istəyirəm ki, son 1-2 ildə özəl sektor tərəfindən çox gözəl kinolar çəkilir. Bu da onu göstərir ki, bu məsələ yalnız pulla ölçülmür. Ona görə də gəlin, bu məsələyə nikbin yanaşaq.

Mən də kino sənayesinin inkişaf etdirilməsinin tərəfdarıyam. Amma hökumətin ümumi fikri ondan ibarətdir ki, burada müəyyən keyfiyyətyönümlü dəyişiklik baş verməlidir”.


www.Sizinxeber.az

Şərhlər
Loading...