2023-cü ildə Azərbaycanın işğaldan azad edilmiş ərazilərində 142 sənaye müəssisəsi fəaliyyət göstərib.

“Sizinxeber.az” Dövlət Statistika Komitəsinə istinadən xəbər verir ki, bu, 2022-ci illə müqayisədə 25,7 % çoxdur.

Məlumata görə, bunun 82,4 %-i və ya 117-si Qarabağ iqtisadi rayonunun, 17,6 %-i və ya 25-i isə Şərqi Zəngəzur iqtisadi rayonunun payına düşüb. Bu da, 2022-ci ilin eyni dövrü ilə müqayisədə müvafiq olaraq 25,8 % və 25 % çoxdur.

Hesabat dövründə işğaldan azad edilmiş ərazilərdə sənaye fəaliyyəti ilə məşğul olmaq üçün qeydə alınmış fərdi sahibkarların sayı 13,1 % artaraq 1 218-ə çatıb. Qarabağ iqtisadi rayonunda fərdi sahibkarların sayı 11,6 % artaraq 1 070-ə, Şərqi Zəngəzur iqtisadi rayonunda isə 25,4 % artaraq 148-ə çatıb.

Ötən il işğaldan azad edilmiş ərazilərində istehsal olunmuş sənaye məhsulunun dəyəri 298,679 milyon manat, o cümlədən Qarabağ iqtisadi rayonunda 274,772 milyon manat, Şərqi Zəngəzur iqtisadi rayonunda isə 23,908 milyon manat olub. Bu da, 2022-ci illə müqayisədə müfaviq olaraq 48,6 %, 41,8 % və 3,4 dəfə çoxdur.

Xatırladaq ki, ötən il Azərbaycanda sənaye müəssisələri və bu sahədə fəaliyyət göstərən fərdi sahibkarlar tərəfindən 66,6 milyard manatlıq sənaye məhsulu istehsal edilib, neft-qaz sektorunda məhsul istehsalı 2 % azalıb, qeyri neft-qaz sektorunda isə 8 % artıb.

Oxşar xəbərlər

İşğaldan azad edilmiş ərazilərdə tikinti-quraşdırma işlərinə investisiyalar 53 % artıb [xfgiven_updateblue][/xfgiven_updateblue]

Şərqi Zəngəzur iqtisadi rayonuna investisiya qoyuluşu 81 %-ə yaxın artıb [xfgiven_updateblue][/xfgiven_updateblue]

Xankəndiyə ilk investisiyaların həcmi açıqlanıb [xfgiven_updateblue][/xfgiven_updateblue]

“Araz Vadisi İqtisadi Zonası”nın rezidentlərinin sayı 12-yə çatıb [xfgiven_updateblue][/xfgiven_updateblue]

Azad edilmiş ərazilərdə yeni yaradılmış iş yerlərinin sayı açıqlanıb - SİYAHI [xfgiven_updateblue][/xfgiven_updateblue]