TAP ilə nəql olunan qazın həcmi açıqlanıb

Trans-Adriatik qaz kəməri ilə indiyədək Avropaya 47 mlrd. kubmetr qaz nəql olunub.

"APA-Economics" xəbər verir ki, bunu Bakıda keçirilən sayca 30-cu Yubiley “Baku Energy Forum”unda çıxış edərkən Trans-Adriatik qaz kəmərinin (TAP) icraçı direktoru Luka Şippati deyib.

Onun sözlərinə görə, TAP ilə nəql olunan ümumi qazın 39 mlrd. kubmetri İtaliyaya göndərilib.

Luka Şippati qeyd edib ki, yüksək istehsalat göstəricilərinin əldə olunması Azərbaycanın özünün davamlı və ehtibarlı, fasiləsiz və təchizatçı kimi sübut etməsidir.

İcraçı direktor onu da vurğulayıb ki, hazırda TAP-ın 45 müştərisi var.