“Kaşaqan” yatağında neft hasilatı iki dəfədən çox artırıla bilər

Xəzərin Qazaxıstanın sektorunda yerləşən “Kaşaqan” yatağında gündəlik neft hasilatı 1 mln. barelə çatdırıla bilər.

"Sizinxeber.az-Economics" xəbər verir ki, bunu "GLENMAR Group"un təşkil etdiyi "Xəzər və Mərkəzi Asiya neft treydingi və logistikası Forumu"nda çıxış edərkən "KMQ Kaşaqan" şirkətinin baş direktorunun kommersiya məsələləri üzrə müavini Kuanış Kəskinbayev deyib.

"Bu gün biz gündə 400-420 min barel hasil edirik. Bu həcmi gündə bir milyon barrelə çatdıra bilərik", - Kuanış Kəskinbayev qeyd edib.

Onun sözlərinə görə, Qazaxıstan hər il 90 milyon tona yaxın neft hasil edir ki, bunun da təxminən 70 milyon tonu ixrac olunur.