Azərbaycanda kimya məhsullarının istehsalı üzrə göstəricilər açıqlanıb - CƏDVƏL

Bu ilin yanvar-mart aylarında Azərbaycanda kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 554,9 milyon manatlıq məhsul istehsal edilib.

“Sizinxeber.az-Economics”in Dövlət Statistika Komitəsinə istinadən verdiyi məlumata görə, əvvəlki ilin müvafiq dövrü ilə müqayisədə əczaçılıq məhsullarının istehsalı 43,3%, kimya sənayesi məhsullarının istehsalı 1,9% artıb, rezin və plastik kütlə məmulatlarının istehsalı isə 1,8% azalıb.

Məlumata görə, kimya sənayesi məhsullarından lak-boya məmulatlarının istehsalı 38,1%, polietilen istehsalı 0,5% artıb, etilen istehsalı 2,3 faiz, propen (propilen) istehsalı 10,4%, rezin və plastik kütlə məmulatlarından sərt plastmasdan borular, borucuklar, qolçaqlar və şlanqlar istehsalı 3%, polietilendən kisə və çantalar istehsalı isə 38,6% azalıb.

Kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində istehsal edilmiş əsas məhsullar:

Məhsul növləri	2025-ci ilin yanvar-mart aylarında istehsal edilmişdir	Əvvəlki ilin müvafiq dövrünə nisbətən, %	01.04.2025-ci il vəziyyətinə hazır məhsul ehtiyatı
Kimya sənayesi məhsulları
Təsirsiz qazlar, min kub metr	11 053,1	102,2	65,5
ondan: azot, min kub metr	5 796	98,2	62
Lak-boya məmulatları, ton	7 237,3	138,1	5 98,1
Qeyri-üzvi kimyəvi maddələr, ton	3 690,0	42,1	6 720
ondan: yod, ton	44	90,3	22,5
Üzvi kimyəvi maddələr, min ton	209,5	78,5	38,2
ondan: etilen, min ton	41,9	97,7	0,8
propen (propilen), min ton	36,3	89,6	0,8
metanol (metil spirti), min ton	97,7	67,8	29,5
Etil spirti, min dkl	-	x	34
Gübrə və azot birləşmələri, min ton	137,3	82,2	28,2
ondan: karbamid, min ton	137,2	82,2	28,1
İlkin formada plastik kütlə, min ton	79,7	97,1	26,1
ondan: polietilen, min ton	41,3	100,5	15,5
Yapışqan və yapışdırıcı maddələr, min ton	40,5	161,4	12