Unicapital investisiya ilə maraqlanan xanımlar üçün tədbir təşkil edib - FOTO

Unicapital, 8 Mart - Beynəlxalq Qadınlar Günü münasibətilə investisiya sahəsində fəal olan xanımları bir araya gətirib, xüsusi tədbir təşkil edib.

Tədbirin əsas məqsədi, qadınların investisiya dünyasında daha da fəal rol oynamasına dəstək olmaq və onlara bu sahədə yeni imkanlar təqdim etmək olub. Tədbir çərçivəsində iştirakçılar üçün maraqlı və faydalı məlumatlar paylaşıldı, maliyyə bazarlarının son trendləri ilə bağlı dəyərli məqamlar müzakirə edilib.

Unicapital-ın Direktoru Elmira Qəribova çıxış edərək qadınların investisiya sahəsində artan rolundan danışıb, onların maliyyə savadlılığının və aktivliyinin əhəmiyyətini vurğulayıb.

Unicapital, qadınların iqtisadi potensialını dəstəkləməkdə və onlara yeni uğur imkanları yaratmaqda önçü rol oynamaqdan qürur duyur. Bu kimi tədbirlər vasitəsilə şirkət, peşəkar səviyyədə qadınların inkişafına töhfə verir və onların uğur hekayələrində tərəfdaş olmaq istəyir.

Unicapital, xanımların iqtisadi və sosial sahələrdə daha da güclənməsi üçün gələcəkdə də oxşar təşəbbüslər təşkil edəcəyini tədbirdə vurğulayıb.