Azərbaycan və Ermənistanın müvafiq strukturları keçmiş Qarabağ münaqişəsi zamanı itkin düşmüş şəxslərin taleyinin müəyyənləşdirilməsinə yönəlmiş birgə axtarış işlərinin aparılması barədə ilkin razılıq əldə ediblər.

“Report” xəbər verir ki, bu barədə iyunun 4-də Ermənistan parlamentində brifinq zamanı Milli Təhlükəsizlik Xidmətinin (MTX) direktoru Armen Abazyan iki ölkənin itkin düşmüş şəxslər üzrə komissiyalarının görüşünün nəticələri barədə danışarkən bildirib.

"Bəli, görüş baş tutdu, bu, artıq ikinci görüşdür. İtkin düşmüş şəxslərin taleyi və mümkün axtarış işləri müzakirə olundu. Bu işlərin daimi xarakter daşıyacağı barədə ilkin razılıq var. Mən bu görüşü müsbət hesab edirəm", - MTX direktoru deyib.

A.Abazyan vurğulayıb ki, nəticənin nə vaxt olacağını dəqiq söyləmək mümkün deyil, amma bu istiqamətdə hər şey edilir.

Qeyd edək ki, bu gün Azərbaycanın və Ermənistanın itkin düşmüş şəxslər üzrə dövlət komissiyalarının nümayəndələri arasında növbəti görüş keçirilib.

Oxşar xəbərlər

Azərbaycan və Ermənistan itkin düşmüş şəxslərin taleyi ilə bağlı fikir mübadiləsi aparıb

İtkin düşmüş şəxslərin ailələri ilə görüş təşkil olunacaq

DTX rəisi: Ermənistan itkin düşmüş şəxslərin taleyinin aydınlaşdırılmasında hələ də qeyri-konstruktiv mövqe sərgiləyir

Azərbaycan və Ermənistan itkin düşmüş şəxslərin taleyinin müəyyənləşdirilməsi ilə bağlı müzakirələr aparıb

Moldovanın sabiq Baş naziri: İtkin düşmüş şəxslərin taleyinin müəyyənləşməsinə yüksək dəstək verilməlidir