Beynəlxalq Pensiya və Sosial Fondlar Assosiasiyası (BPSFA) və Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondunun (DSMF) birgə təşkilatçılığı ilə Bakıda “Müasir dünyanın çağırışları kontekstində sosial müdafiə sistemlərinin uyğunlaşdırılması” mövzusunda beynəlxalq konfransın birinci günü başa çatıb.

"Report" xəbər verir ki, iki gün davam edəcək tədbirdə hökumət rəsmiləri, beynəlxalq təşkilatların, Serbiya, Özbəkistan, Qırğızıstan, Qazaxıstan, Belarus və Tacikistandan sosial təminat qurumlarının nümayəndələri iştirak ediblər.

Əmək və əhalinin sosial müdafiəsi naziri Anar Əliyev tədbirdə çıxış edərək bu konfransın sosial müdafiə sahəsində qlobal əməkdaşlığın, təcrübə mübadiləsinin genişləndirilməsində önəmini vurğulayıb. 

DSMF-nin İdarə Heyətinin və BPSFA-nın sədri Zəka Mirzəyev çıxışında Assosiasiyanın fəaliyyəti çərçivəsində üzv təşkilatların fəal əməkdaşlığnın onlara sosial müdafiə sahəsində ən son tədqiqatlara, qabaqcıl beynəlxalq təcrübələrə və ən son metodlara çıxış əldə etməyə imkan verdiyini vurğulayıb. 

Beynəlxalq Əmək Təşkilatı tərəfindən edilən videomüraciətdə isə bu konfransın ölkələrdə sosial təminat sahəsində aparılan islahatlarda əməkdaşlığın gücləndirilməsinə töhfə verəcəyi qeyd edilib. 

Konfransda Azərbaycanda sosial müdafiə sahəsində aparılan islahatlara dair təqdimatlar edilib. Tədbirdə həmçinin Serbiya, Özbəkistan, Qırğızıstan, Tacikistanın pensiya sistemləri, Qazaxıstanda sosial sığorta sistemi, Azərbaycanda əmək bazarının inkişafı perspektivləri və s. mövzularda təqdimatlar edilərək müzakirələr aparılıb.

Bakıda "Müasir dünyanın çağırışları kontekstində sosial müdafiə sistemlərinin uyğunlaşdırılması" mövzusunda beynəlxalq konfrans keçirilir.

"Report" xəbər verir ki, konfrans Beynəlxalq Pensiya və Sosial Fondlar Assosiasiyasının təşkilatçılığı və Dövlət Sosial Müdafiə Fondunun ev sahibliyi ilə baş tutur.

Tədbirdə əmək və əhalinin sosial müdafiəsi naziri Anar Əliyev və bir sıra ölkələrin sosial təminat qurumlarının rəhbərləri iştirak edir.

Foto: Zaur Mustafayev

Oxşar xəbərlər

Bakıda sosial müdafiə sistemlərinin uyğunlaşdırılması mövzusunda beynəlxalq konfrans keçirilir

Zəka Mirzəyev: Bakıda keçirilən beynəlxalq konfrans olduqca əlverişli bir platformadır

Azərbaycanda sosial müavinət və təqaüd alanların sayı açıqlanıb

DSMF sədri İSSA-nın Asiya və Sakit okean ölkələri üzrə Regional Sosial Təminat Forumunda iştirak edib

İƏT Əmək Mərkəzinin rəhbəri: Sosial müdafiə sahəsində inklüzivliyə can atılmalıdır