Qarşılıqlı maraq doğuran ikitərəfli layihələr üzərində çalışmağa hazırıq.

Bunu Suriyanın BMT yanında daimi nümayəndəliyinin başçısı Kussay Əldahhak dünya təşkilatının mənzil-qərargahında Azərbaycanın Müstəqillik Gününə həsr olunmuş tədbirdə “Report”un ABŞ bürosuna söyləyib.

“Hazırda iki ölkə (Azərbaycan və Suriya – red.) arasında diplomatik əlaqələrin yenidən qurulması və bu münasibətlərin möhkəmləndirilməsi istiqamətində səylər göstərilir. Qarşılıqlı maraqlara xidmət edən ikitərəfli layihələr üzərində çalışmağa hazırıq”, – daimi nümayəndə deyib.

Diplomat Azərbaycanın dünya təşkilatı çərçivəsində beynəlxalq platformalarda oynadığı fəal rolu yüksək qiymətləndirdiklərini vurğulayıb. “Biz Azərbaycanın BMT-də nizamnamənin məqsəd və prinsiplərini müdafiə edən mövqeyini yüksək qiymətləndiririk. Şəxsən mən ölkənizə bir neçə dəfə səfər etmişəm, beynəlxalq konfrans və görüşlərdə iştirak etmişəm və Azərbaycanın bu sahədəki fəallığını təqdir edirəm”, – diplomat bildirib.

Oxşar xəbərlər

Fidan: Türkiyə Suriyanın dünyaya yenidən inteqrasiyası üçün çalışmağa davam edir

Ankaranın BMT-dəki daimi nümayəndəsi: Azərbaycan Türkiyədə böyük sərmayələr qoyur

BMT-dəki daimi nümayəndə UNICEF-in regional direktoru ilə uşaqların müdafiəsini müzakirə edib

Somalinin XİN rəhbəri: Azərbaycanın tarixi torpaqlarını işğaldan azad etdiyi üçün sevincliyik

Macarıstan şirkətləri Azərbaycanın azad edilən bir sıra ərazilərində bərpa işləri həyata keçirəcək