Tbilisinin simvolik abidələri Azərbaycan bayrağının rəngləri ilə işıqlandırılıb.

“Report”un yerli bürosu xəbər verir ki, 28 May – Müstəqillik Günü münasibətilə Gürcüstanın paytaxtı Tbilisidə Azərbaycan bayrağının rənglərinə bürünmüş işıq şousu təşkil olunub.

Şəhərin iki tanınmış memarlıq simvolu – Tbilisi televiziya qülləsi və Kür çayı üzərində yerləşən “Sülh körpüsü” mavi, qırmızı və yaşıl rənglərlə işıqlandırılıb.

Aksiya Azərbaycanın milli bayramına dost Gürcüstanın diqqət və ehtiramının bir göstəricisi kimi dəyərləndirilib.

Qeyd edək ki, bu cür işıqlandırma Tbilisidə Azərbaycanın Müstəqillik Günü münasibətilə ardıcıl olaraq bir neçə ildir həyata keçirilir və yerli ictimaiyyət tərəfindən rəğbətlə qarşılanır.

Oxşar xəbərlər

Ankaranın Esterqon qülləsi Azərbaycan bayrağının rəngləri ilə işıqlandırılıb

Tbilisidə “Sülh körpüsü” Azərbaycan bayrağının rəngləri ilə işıqlandırılıb

İstanbulun Qalata qülləsi Azərbaycan bayrağının rəngləri ilə işıqlandırılıb

İstanbuldakı Qalata qülləsi Azərbaycan bayrağının rənglərinə boyanıb

Belarus Milli Kitabxanası Müstəqillik Günü münasibətilə Azərbaycanın üçrəngli bayrağının rənglərinə boyanıb