Qazaxıstan Azərbaycanın Asiyada Qarşılıqlı Fəaliyyət və Etimad Tədbirləri üzrə Müşavirədə (AQEM) sədrlik prioritetlərini dəstəkləyir.

"Sizinxeber.az"un Qazaxıstan bürosu xəbər verir ki, bu barədə ölkənin Baş nazirinin müavini - xarici işlər naziri Murat Nurtleu bildirib.

O qeyd edib ki, Qazaxıstanın təşəbbüsü ilə yaradılmış bu forum regional təhlükəsizliyin və əməkdaşlığın gücləndirilməsi üçün zəruri olan dialoq platformasına çevrilib.

M.Nurtleu həmçinin vurğulayıb ki, Qazaxıstan bu forumun beynəlxalq təşkilata çevrilməsi istiqamətində birgə işi davam etdirməyə hazırdır.

"Ümumiyyətlə, bizim gündəliyimiz və bütün mövqelərimiz üst-üstə düşür və bir-birimizə daim dəstək göstəririk. Ticarət, iqtisadi və investisiya sahələrində yüksək səviyyədə əldə edilmiş razılaşmaların keyfiyyətli və vaxtında yerinə yetirilməsi üçün səy göstərməklə bağlı razılığa gəldik", - Nurtleu vurğulayıb.

O, həmçinin Almatıda Mərkəzi Asiya və Əfqanıstan üçün Dayanıqlı İnkişaf Məqsədləri üzrə BMT-nin regional mərkəzinin yaradılması haqqında BMT Baş Assambleyasının qətnaməsini dəstəklədiyinə görə Azərbaycana təşəkkürünü bildirib. Bu qətnaməyə 152 ölkə qoşulub.

Oxşar xəbərlər

Ceyhun Bayramov qazaxıstanlı həmkarı ilə regional məsələləri müzakirə edib - YENİLƏNİB [xfgiven_updateblue][/xfgiven_updateblue]

Qazaxıstan ATƏT ölkələrini BMT-nin Regional İqlim Sammitinə dəvət edib [xfgiven_updateblue][/xfgiven_updateblue]

Alim Bayel: Azərbaycan COP29 çərçivəsində AQEM-ə sədrlik edəcək [xfgiven_updateblue][/xfgiven_updateblue]

Ceyhun Bayramov ilə Qazaxıstan XİN rəhbəri arasında telefon danışığı olub [xfgiven_updateblue][/xfgiven_updateblue]

Azərbaycan Asiyada Qarşılıqlı Fəaliyyət və Etimad Tədbirləri üzrə Müşavirəyə sədrliyi təhvil alıb - YENİLƏNİB - 2 [xfgiven_updateblue][/xfgiven_updateblue]