İnsanların müsibətləri üzərində spekulyasiya cəhdləri qətiyyən yolverilməzdir.

“Report”un Rusiya bürosunun məlumatına görə, bunu ölkənin xarici işlər nazirinin müavini Mixail Qaluzin Azərbaycanın Moskvadakı səfiri Rəhman Mustafayevlə görüşü zamanı deyib.

"İlk növbədə Rusiya Federasiyasının rəhbərliyi və şəxsən öz adımdan AZAL aviaşirkətinin sərnişin təyyarəsinin qəzaya uğraması ilə əlaqədar Azərbaycan rəhbərliyinə və qardaş Azərbaycan xalqına dərin hüznlə başsağlığı vermək istərdim. Təəssüf ki, bizim hamımızı əhatə edən bu faciə nəticəsində Azərbaycan, Rusiya və bir sıra digər dövlətlərin vətəndaşları həlak olub. Biz azərbaycanlı dostlarımızın ağrı və kədərini bölüşürük. Belə ağır bir vaxtda sizinləyik", - o bildirib.

Qaluzinin sözlərinə görə, Rusiya tərəfi hesab edir ki, hər hansı nəticə çıxarmazdan əvvəl rəsmi araşdırmanın nəticələrini gözləmək lazımdır.

"Aktauda müvafiq komissiya işləyir. Rusiya və Azərbaycanın səlahiyyətli orqanları bir-biri ilə qarşılıqlı əlaqədədir. Araşdırma aparılır və biz hesab edirik ki, hər hansı nəticə çıxarmamışdan əvvəl rəsmi araşdırmanın nəticələrini gözləmək lazımdır. İnsanların müsibəti üzərində spekulyasiya cəhdləri qətiyyən yolverilməzdir", - RF XİN-in nümayəndəsi vurğulayıb.

Oxşar xəbərlər

İrakli Kobaxidze Prezident İlham Əliyevə başsağlığı verib

Azərbaycan səfiri Rusiya XİN müavininə Bakının sülh müqaviləsinə dair mövqeyini təqdim edib

Tokayev AZAL-a məxsus təyyarənin qəzaya uğraması ilə əlaqədar İlham Əliyevə başsağlığı verib

Nursultan Nazarbayev Azərbaycana başsağlığı verib

Dağıstan Respublikasının rəhbəri İlham Əliyevə: Dərdinizi səmimi-qəlbdən bölüşür, Sizinlə birlikdə kədərlənirik