İtaliyanın Bakıdakı səfirliyi Qazaxıstanın Aktau şəhəri yaxınlığında AZAL sərnişin təyyarəsinin qəzaya uğraması nəticəsində həlak olanların xatirəsinə Azərbaycanda matəm günü ilə əlaqədar bayrağı yarıya endirib.

“Report” xəbər verir ki, bu barədə səfirliyin "X" sosial şəbəkəsindəki hesabında paylaşım edilib.

"Azərbaycan xalqı ilə həmrəylik əlaməti olaraq İtaliya səfirliyi bayraqları yarıya endirib. Düşüncələrimiz faciəli təyyarə qəzasının qurbanları və zərərçəkənlərin ailələri ilədir", - paylaşımda qeyd olunub.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 38-i həlak olub, 29-u sağ qalıb.

Dövlət başçısının tapşırığı ilə təyyarə qəzasının səbəblərinin araşdırılması üçün Baş nazir Əli Əsədovun rəhbərliyi ilə Dövlət Komissiyası yaradılıb.

Prezident İlham Əliyev çoxsaylı insan itkisindən sonra ölkə ərazisində bir günlük matəm elan olunması ilə bağlı sərəncam imzalayıb.

Flags at half-mast at @italyinbaku in solidarity with the people of Azerbaijan. Our thoughts and prayers are with the victims of the tragic flight accident and with their families pic.twitter.com/QR6yTiCPbS

— Italy in Baku (@ItalyinBaku) December 26, 2024

Oxşar xəbərlər

Böyük Britaniyanın Azərbaycandakı səfirliyində bayraq yarıya qədər endirilib

Küveyt əmiri Azərbaycana başsağlığı verib

Aviaqəzada həlak olanlardan biri Cəlilabad sakinidir

Avropa Şurasının mənzil-qərargahı qarşısındakı Azərbaycan bayrağı yarıya endirilib

Tbilisidəki Azərbaycan səfirliyində başsağlığı kitabı açılacaq