Dekabrın 23-də Azərbaycan Respublikasının Cənubi Afrika Respublikasındakı (CAR) səfirliyinin müvəqqəti işlər vəkili Hüseyn Rəhimli bu ölkənin beynəlxalq əlaqələr və əməkdaşlıq nazirinin müavini Alvin Boteslə görüşüb.

“Report” xəbər verir ki, bu barədə nazirliyin sosial şəbəkə hesabında bildirilib.

“Nazir müavini Alvin Botes bu gün, 23 dekabr 2024-cü ildə Azərbaycanın Cənubi Afrikadakı müvəqqəti işlər vəkili Dr. Hüseyin Rəhimlinin nəzakət ziyarətini qəbul edib. 1992-ci ildə qurulmuş Cənubi Afrika və Azərbaycan arasındakı diplomatik münasibətlər möhkəmdir və güclənməyə davam edir”, – xarici siyasət idarəsinin feysbukdakı paylaşımında nəql edilib.

Qeyd edək ki, iki ölkə arasında diplomatik əlaqələr 1992-ci ilin aprel ayının 29-da qurulub. Milli Məclisində Azərbaycan – Cənubi Afrika Respublikası parlamentlərarası əlaqələr üzrə işçi qrupu fəaliyyət göstərir.

2016-cı ildə CAR-ın beynəlxalq əlaqələr və əməkdaşlıq naziri Maite Nkoana-Maşabanenin başçılıq etdiyi nümayəndə heyətinin Azərbaycana səfəri baş tutmuşdu.

Oxşar xəbərlər

Müvəqqəti işlər vəkili: "Çin-Azərbaycan iqtisadi göstəriciləri rekord həddə çatıb"

Cənubi Afrika XİN baş direktoru əvvək Kiyevə, sonra Moskvaya səfər edəcək

Azərbaycan-Əfqanıstan parlamentlərarası əlaqələr üzrə işçi qrupu yaradılıb

Ukraynanın Gürcüstandakı müvəqqəti işlər vəkili geri çağırılıb