Cari ilin 10 ayında Azərbaycan və Birləşmiş Ərəb Əmirlikləri (BƏƏ) arasında ikitərəfli ticarət dövriyyəsinin həcmi 80 milyon dolları ötüb.

"Sizinxeber.az" xəbər verir ki, bunu BƏƏ-nin Azərbaycandakı səfiri Mohammed Al Blooshi Birliyin yaranmasının 53-cü ildönümü münasibətilə Bakıda keçirilən rəsmi qəbulda çıxışı zamanı deyib.

Diplomat 2023-cü ildə isə iki ölkə arasında qeyri-neft idxal, ixrac və təkrar ixrac da daxil olmaqla ikitərəfli ticarət dövriyyəsinin ümumi həcminin 1 milyard 641 milyon ABŞ dolları təşkil etdiyini vurğulayıb. O qeyd edib ki, hər iki dövlətin liderinin qarşılıqlı səfərləri, davamlı artan ticari, iqtisadi və mədəni mübadilənin səviyyəsi, həmçinin BƏƏ və Azərbaycandan turist və ziyarətçilərin sayının artması ikitərəfli əlaqələrin müxtəlif sahələrdə güclənməsinə dəlalət edir.

Səfir iki ölkə arasında turizm əlaqələrinə toxunaraq bildirib ki, 2024-cü ilin 7 ayı ərzində BƏƏ-dən Azərbaycana gələnlərin sayı əvvəlki ilin eyni dövrü ilə müqayisədə 7,5 % artıb.

O, son olaraq iqtisadi, ticarət və texniki əməkdaşlıq üzrə Birgə Hökumətlərarası Komissiyanın BƏƏ və Azərbaycanda mütəmadi olaraq keçirilən iclaslarının da münasibətlərin inkişafına böyük töhfə verdiyini qeyd edib.

Oxşar xəbərlər

Gürcüstanın Azərbaycanla ticarət dövriyyəsi 1 milyard ABŞ dollarını ötüb

Bu il Azərbaycan 20 milyon tondan çox neft ixrac edib

Azərbaycan və Latviya arasında investisiyaların həcmi açıqlanıb

Bu il Azərbaycan 14 milyon tondan çox neft ixrac edib

Azərbaycan ABŞ-yə məhsul ixracını 32 dəfəyə yaxın artırıb