Makron və Ərdoğan Azərbaycan-Ermənistan sülh prosesi haqqında fikir mübadiləsi aparıb

Fransa Prezidenti Emmanuel Makron və Türkiyə Prezidenti Rəcəp Tayyip Ərdoğan Azərbaycan-Ermənistan sülh prosesini müzakirə edib.

APA xəbər verir ki, bu barədə o özünün “X” hesabında məlumat paylaşıb.

“Biz Ərdoğanla 8 avqust tarixində Prezident Trampın vasitəçiliyi ilə Ermənistan və Azərbaycan arasında keçirilən görüşün yaratdığı ümidləri də müzakirə etdik. İrəliləyişlərin davam etməsi, bütün sərhədlərin yenidən açılmasına və regional əməkdaşlığın gücləndirilməsinə imkan verməsi vacibdir. Nəhayət, Prezident Ərdoğana, Fransanın Türkiyə ilə iddialı ikitərəfli gündəlik üzərində işləməyə hazır olduğunu bir daha bildirdim” Makron qeyd edib.