Rusiya "Azərbaycana qarşı çoxölçülü zərərvericilik" siyasətinə keçib.

“Sizinxeber.az” xəbər verir ki, bu barədə "Strategiya XXI" Qlobalistika Mərkəzinin prezidenti Mixail Qonçar “RBK-Ukrayna”ya müsahibəsində Rusiya hərbçilərinin Ukraynada Azərbaycan Dövlət Neft Şirkətinin (SOCAR) obyektlərinə endirdiyi zərbələri şərh edərkən bildirib.

Onun fikrincə, Ukraynada SOCAR-ın obyektlərinə edilən hücumlar "acizlikdən doğan qisas" aksiyalarıdır.

Qonçarın sözlərinə görə, Azərbaycan Avropa İttifaqının qaz bazarında iştirakını artırır və Moskva buna qarşı heç nə edə bilməyəcək.

Bununla yanaşı, o vurğulayıb ki, bu gün Azərbaycan güclü mövqedədir və bunu hiss edir, çünki ölkənin enerji daşıyıcılarına maraq, o cümlədən ABŞ şirkətlərinin marağı yalnız və yalnız artır.

"Bu gün onlar özlərini güclü mövqedə hiss edirlər. ABŞ-nin “Exxon Mobil” şirkəti Xəzər dənizində Azərbaycanın hələ işlənməmiş "Qarabağ" qaz yatağına maraq göstərir. Buna görə də düşünürəm ki, Azərbaycan zərbəyə davam gətirəcək", - politoloq vurğulayıb.

Oxşar xəbərlər

ABŞ Rusiya və Ukraynada enerji obyektlərinə hücumlara moratorium tətbiq etməyi təklif edib

Tramp: Krım Rusiya ilə qalacaq

Vladimir Putin: "Şirkətlərimiz Azərbaycanda özlərini rahat hiss edir"

Rusiya şirkəti Azərbaycana neft-qaz avadanlıqları tədarükünü genişləndirmək istəyir

Rusiya Odessada SOCAR-ın neft bazasına zərbə endirib