Vaşinqtonda Azərbaycan və Ermənistan arasında sülh prosesi çərçivəsində əldə edilən razılaşmalar və tərəflərin sülh müqaviləsinin mətnini paraflaması Cənubi Qafqazda yeni geosiyasi reallığın formalaşdığını nümayiş etdirir.

“Sizinxeber.az” xəbər verir ki, bu barədə Ukraynanın Azərbaycandakı səfiri Yuri Qusev öz müəllif yazısında yazıb.

"ATƏT-in Minsk prosesinin başa çatması, TRIPP irimiqyaslı infrastruktur layihəsinin ("Tramp Marşrutu") başlanması, nəqliyyat dəhlizlərinin inkişafı, ABŞ ilə müdafiə sahəsində əməkdaşlığa qoyulan məhdudiyyətlərin aradan qaldırılması - bütün bunlar Xəzər-Qara dəniz regionunun yeni geosiyasi reallığını formalaşdırır və Azərbaycan və Ermənistanı sülhün təkcə bir arzu deyil, həm də gündəlik səylə işin və inanılmaz səylərin nəticəsi ola biləcəyinə nümunə edir", - o yazıb.

Onun fikrincə, sülh müqaviləsinin paraflanması regionda yeni güc balansı haqqında aydın siqnaldır. Səfir qeyd edib ki, bu dəyişikliklər Moskvanın Cənubi Qafqazdakı təsirinin zəifləməsinə gətirib çıxarır.

Y.Qusev hesab edir ki, Cənubi Qafqaz bu gün öz tarixində yeni səhifəsini açır. "Dostlarımızı və tərəfdaşlarımızı bu qələbə münasibətilə səmimi qəlbdən təbrik edirik", - səfir vurğulayıb və beynəlxalq hüquqa əsaslanan sülhün tezliklə Ukraynada da bərqərar olacağına ümidvar olduğunu deyib.

Oxşar xəbərlər

Çexiya XİN: Vaşinqtonda əldə olunan razılaşmalar Cənubi Qafqazda firavanlığa yol açır

Maya Sandu Azərbaycan və Ermənistanı sülh müqaviləsinin paraflanması münasibətilə təbrik edib

ABŞ dövlət katibi: Cənubi Qafqazda yeni sülh dövrünü alqışlayırıq

Qazaxıstan səfiri Vaşinqtonda əldə olunan razılaşmalarla bağlı Azərbaycanı təbrik edib

Rumıniya KİV-də Azərbaycan və Ermənistan liderlərinin Vaşınqtondakı görüşü geniş işıqlandırılıb