Türk Dövlətləri Təşkilatı (TDT) Azərbaycan Respublikasının Prezidenti və Ermənistan Respublikasının Baş naziri tərəfindən 8 avqust 2025-ci ildə ABŞ-də keçirilən görüşün yekunlarına dair Birgə Bəyannamənin imzalanmasını alqışlayır.

“Report” xəbər verir ki, bunu Türk Dövlətləri Təşkilatının (TDT) Baş katibi Kubanıçbek Ömüralıyev “X”dəki səhifəsində yazıb.

“Azərbaycan Respublikasının Prezidenti və Ermənistan Respublikasının Baş naziri tərəfindən 8 avqust 2025-ci ildə Amerika Birləşmiş Ştatlarının Vaşinqton şəhərində keçirilən görüşün yekunlarına dair Birgə Bəyannamənin imzalanmasını və Birləşmiş Ştatların Prezidentinin şahid qismində imzalanmasını alqışlayıram.

Azərbaycan Respublikası ilə Ermənistan Respublikası arasında sülh və dövlətlərarası münasibətlərin qurulması haqqında sazişin razılaşdırılmış mətninin paraflanmasını və hər iki ölkənin xarici işlər nazirləri tərəfindən ATƏT-in Minsk prosesinin və əlaqədar strukturlarının bağlanması ilə bağlı Avropada Təhlükəsizlik və Əməkdaşlıq Təşkilatına birgə müraciətin imzalanmasını qətiyyətlə dəstəkləyirəm.

Bu tarixi hadisə Cənubi Qafqaz regionunda və onun hüdudlarından kənarda davamlı sülh, sabitlik və rifahın bərqərar olması istiqamətində mühüm mərhələdir”, - TDT-nin Baş katibi qeyd edib.

I welcome the signing of the Joint Declaration by the President of the Republic of Azerbaijan and the Prime Minister of the Republic of Armenia and signing as a witness by the President of the United States on the outcomes of their meeting on 8 August 2025 in Washington D.C.,… pic.twitter.com/heCrg4ye94

— Amb. Kuban OMURALIEV (@KubanOmurali) August 9, 2025

Oxşar xəbərlər

Azərbaycan və Ermənistan ATƏT-ə Minsk Prosesi və onunla əlaqəli strukturlarının bağlanmasına dair müraciət edib

Azərbaycan Prezidentinin və Ermənistanın Baş nazirinin Vaşinqton şəhərində keçirilmiş görüşünə dair Birgə Bəyannamə imzalanıb

Azərbaycanın və Ermənistanın XİN başçıları ATƏT-in fəaliyyətdə olan sədrinə birgə müraciəti imzalayıblar

Aİ Ermənistan və Azərbaycan arasında sülh sazişinin paraflanmasını alqışlayıb

İlham Əliyevlə Nikol Paşinyanın Vaşinqtonda Birgə Bəyannamə imzalayacağı gözlənilir