Beynəlxalq Mülki Müdafiə Təşkilatının (BMMT) Baş katibi Ərgüc Kələntərli, təşkilatın mənzil-qərargahında Çin Xalq Respublikasının BMT-nin Cenevrədəki bölməsi və digər beynəlxalq təşkilatlar yanında Daimi Nümayəndəsi, Fövqəladə və Səlahiyyətli Səfir Çen Xu ilə görüşüb.

APA xəbər verir ki, görüş zamanı tərəflər mülki müdafiə sahəsində çoxtərəfli əməkdaşlığın gücləndirilməsi, xüsusilə fövqəladə hallara hazırlıq və fəlakətlərə cavab tədbirlərinin əlaqələndirilməsi məsələləri ətrafında fikir mübadiləsi aparılıb.

Çin tərəfinin genişmiqyaslı fəlakətlərin idarə olunması sahəsində mövcud təcrübəsinin BMMT-nin üzv dövlətləri üçün potensialın artırılması proqramlarına verə biləcəyi töhfələr müzakirə olunub.

Müzakirələrdə, texnologiya və innovasiyaların fəlakət risklərinin azaldılması sahəsində tətbiqi, erkən xəbərdarlıq sistemləri və dayanıqlılıq strategiyaları məsələlərinə xüsusi diqqət yetirilib.

Görüş zamanı gələcək əməkdaşlığın inkişaf etdirilməsi və beynəlxalq mülki müdafiə şəbəkəsinin davamlı tərəfdaşlıq əsasında gücləndirilməsinə inam ifadə olunub.

Oxşar xəbərlər

BMMT Baş katibi İordaniyanın Daimi Nümayəndəsi ilə görüşüb

BMMT-nin yeni Baş katibi Ərgüc Kələntərli İsveçrə səfiri ilə görüşüb

BMMT Baş katibi Cenevrədə Suriyanın Daimi Nümayəndəsi ilə görüşüb

FHN-in nümayəndəsi BMT-nin Fəlakət Riskinin Azaldılması Ofisinin tədbirində iştirak edib

FHN-in nümayəndəsi BMT sessiyasında iştirak edib