Ceyhun Bayramov Tbilisidə Heydər Əliyevin abidəsini ziyarət edib

Gürcüstana rəsmi səfəri çərçivəsində Azərbaycanın xarici işlər naziri Ceyhun Bayramov Tbilisinin mərkəzində yerləşən ümummilli lider Heydər Əliyevin abidəsini ziyarət edib.

Nazir abidənin önünə əklil qoyaraq, Ulu Öndərin xatirəsini ehtiramla yad edib.

Ziyarət zamanı Azərbaycanın Gürcüstandakı səfiri Faiq Quliyev və digər rəsmi şəxslər də iştirak ediblər.

Qeyd edək ki, Ceyhun Bayramovun Gürcüstana səfəri çərçivəsində bir sıra ikitərəfli görüşlər nəzərdə tutulub, o cümlədən Gürcüstanın xarici işlər naziri Maka Boçorişvili ilə görüşü keçirilib. Görüşdə regional təhlükəsizlik, əməkdaşlıq perspektivləri və sülh gündəliyi müzakirə olunub.