İsrail qonşumuz İrana hücum edir və bölgəni tam fəlakətə sürükləyir.

APA xəbər verir ki, bu barədə Türkiyənin xarici işlər naziri Hakan Fidan İstanbulda İslam Əməkdaşlıq Təşkilatının Xarici İşlər Nazirləri Şurasının 51-ci iclasında bildirib.

“Biz zülmün qarşısında durmağa davam edəcəyik. İsrailin işğalçılıq siyasəti bölgədəki problemi bütün çılpaqlığı ilə ortaya qoyur. Bu problem Fələstin, Livan, Suriya, Yəmən və ya İran deyil, heç şübhəsiz İsrail problemidir. Nüvə danışıqları davam edərkən İsrailin İrana hücumunu şiddətlə qınayırıq”, - Hakan Fidan qeyd edib.

Türkiyə XİN rəhbəri vurğulayıb ki, beynəlxalq ictimaiyyət İsrail-İran müharibəsinin daha geniş münaqişəyə çevrilməsinin qarşısını almalıdır: “Bölgəmiz üçün fəlakətli nəticələrə səbəb ola biləcək bu hücumlar dərhal dayandırılmalıdır”.

Hakan Fidan onu da qeyd edib ki, İsrailin məqsədi fələstinliləri sürgün etmək və iki dövlətli həll yolunun qarşısını almaqdır.

Oxşar xəbərlər

Hakan Fidan: İsrailin Suriyada yürütdüyü siyasət böyük təxribatlara yol aça bilər

Hakan Fidan Araqçi ilə görüşüb

Hakan Fidan: İranla İsrail arasında mümkün müharibə yüksək ehtimal olaraq dəyərləndirilməlidir

Hakan Fidan Yunanıstanın xarici işlər naziri ilə görüşüb

Hakan Fidan: Türkiyə İƏT-in potensialını ortaya qoymaq üçün lazımi addımlar atır