Bəylik sakini: Doğma yurdumuza qayıdış elə bil itirilmiş ömrün tapılmasıdır

Doğma yurdumuza qayıdış elə bil itirilmiş ömrün tapılmasıdır.

“Sizinxeber.az” xəbər verir ki, bunu illər əvvəl yurd-yuvasından didərgin düşmüş Vəfa Abışova Laçın rayonunun Bəylik kəndinə köç etməzdən əvvəl deyib.

“Uşaqlıq illərim orada keçib. İndi geri dönmək elə bil bir vaxtlar yarımçıq qalmış bir nağılın davamını yaşamaq kimidir. Hər addımda keçmişin izi var. Qəlbimiz doludur, həm sevinc, həm kədər bir yerdədir. Amma bu gün xoşbəxtliyin üstün gəldiyi gündür”, – o bildirib.

Keçmiş məcburi köçkün geri döndükdən sonra kənd həyatına yenidən alışacağını və ata-baba torpağında qurub-yaratmaq arzusunda olduğunu söyləyib.

Xatırladaq ki, mayın 29-da Bəylik kəndinə növbəti köç karvanı yola salınıb.