Ağdam rayonunun Kəngərli kəndinə yola salınan köç çatıb.

“Report” xəbər verir ki, bu mərhələdə Kəngərli kəndinə daha 48 ailə - 206 nəfər köçürülüb.

Şəfiqə Nazimqızı

Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdış davam etdirilir.

“Report” xəbər verir ki, Ağdam rayonunun Kəngərli kəndinə növbəti köç karvanı yola salınıb.

Bu mərhələdə Kəngərli kəndinə daha 48 ailə - 206 nəfər köçürülüb.

Doğma yurda qayıdan sakinlər hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban xanım Əliyevaya təşəkkür ediblər.

Onlar həmçinin torpaqlarımızı işğaldan azad edən rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət diləyiblər.

Qeyd edək ki, hazırda Qarabağda və Şərqi Zəngəzurda, ora köçürülən keçmiş məcburi köçkünlərlə yanaşı, bu bölgədə aparılan layihələrin icrasında çalışan, həmçinin ayrı-ayrı dövlət qurumlarının yerli bölmələrində xidməti vəzifələrini yerinə yetirən, yenidən fəaliyyətə başlamış səhiyyə, təhsil, mədəniyyət, turizm, sənaye, energetika müəssisələrində işləyən, ümumilikdə, 40 mindən çox insan yaşayır.

Xatırladaq ki, mayın 23-də Kəngərli kəndinə köç karvanı çatıb, evlərin açarları təqdim olunub. Həmin mərhələdə köçürülən 232 nəfərdən ibarət 49 ailəyə yeni tikilmiş fərdi yaşayış evlərinin açarları təqdim olunub.

Oxşar xəbərlər

Böyük Qayıdış: Sarıcalı və Ballıca kəndlərinə növbəti köç karvanı yola salınıb

Daha 32 ailə Cəbrayıl şəhərinə köçürülüb - YENİLƏNİB

Böyük Qayıdış: Sarıcalı və Ballıcaya növbəti köç karvanları yola salınıb

Növbəti köç karvanı Ağdərənin Suqovuşan kəndinə çatıb - YENİLƏNİB - FOTO

Böyük Qayıdış: Növbəti köç karvanı Cəbrayıl şəhərinə yola salınıb