Qadın minatəmizləyənlərə ehtiyac var, çünki mina məsələsi diqqət tələb edir və qadınlar da diqqətcildirlər.

“Sizinxeber.az” xəbər verir ki, bu barədə "Minaların təmizlənməsi” layihəsinin benefisiarı Səmayə Əhmədli Avropa İttifaqının Azərbaycandakı nümayəndəliyinin təşkilatçılığı ilə martın 12-də Bakıda "Güclü Qadın, Güclü Cəmiyyət” mövzusunda keçirilən tədbirdə deyib.

O, ixtisasca müəllim və yeddi il pedaqoji fəaliyyətlə məşğul olmasına baxmayaraq, qadın minatəmizləyən olmaq qərarına gəldiyini bildirib:

"Bununla bağlı elan gördüyüm an iş üçün müraciət etdim. Bir qarabağlı kimi torpaqlarımızın bizə ehtiyacı olduğunu düşündüm. Axı niyə qadın minatəmizləyən olmamalıdır? Düşündüm ki, qadın minatəmizləyənlərin olması çox vacibdir. Çünki qadınlar diqqətcildir və mina məsələsi də diqqət tələb edir”.

S.Əhmədli bildirib ki, minatəmizləmə fəaliyyəti cinsi ayrı-seçkilk anlayışını qəbul etmir:

“Bizim işimizin cinsi ayrı-seçkiliklə əlaqəsi yoxdur. Bu, Vətən, torpaq işidir. Mən ilk qadın minatəmizləyəm ola bilərəm, amma bütövlükdə olduğum yerlərdə digər 17 minatəmizləyən qadının da səsiyəm”.

Oxşar xəbərlər

Bakıda "Güclü Qadın, Güclü Cəmiyyət" mövzusunda tədbir keçirilib

Azərbaycan artıq öz istehsalı olan minatəmizləyən maşınlardan istifadə edir - RƏSMİ

"Hələ də müəllim peşəsi qadın işi kimi qəbul edilir" - Məleykə Abbaszadə

Elmar Məmmədov: "2026-cı il dünyada qadın fermerlərin ili olaraq qeyd ediləcək"

Peter Mixalko: Qadınların imkanlara bərabər çıxış əldə etdikləri cəmiyyətlər daha güclü olur