Azərbaycanda fəaliyyət göstərən yetkinlik yaşına çatmayanların işləri və hüquqlarının müdafiəsi üzrə komissiyaların adlarında və səlahiyyətlərində dəyişiklik edilib.

"Report" xəbər verir ki, Prezident İlham Əliyev bununla bağlı Ailə Məcəlləsinə və “Yetkinlik yaşına çatmayanların işləri və hüquqlarının müdafiəsi üzrə komissiyalar haqqında Əsasnamənin təsdiq edilməsi barədə” qanuna edilən dəyişiklikləri təsdiqləyib.

Bundan sonra komissiyaların “Uşaq hüquqlarının müdafiəsi üzrə komissiyalar” şəklində adlandırılacaq.

Həmçinin, dəyişikliyə görə, uşaq hüquqlarının müdafiəsi üzrə komissiyalar öz səlahiyyətləri daxilində təhsil müəssisələrində, habelə mülkiyyət və təşkilati-hüquqi formasından asılı olmayaraq, yetkinlik yaşına çatmayanların işlədikləri müəssisələrdə, təşkilatlarda və idarələrdə onlar arasında tərbiyə işinin təşkilinin monitorinqini apara biləcəklər.

Oxşar xəbərlər

MM yetkinlik yaşına çatmayanlarla bağlı komissiyaların adlarının dəyişdirilməsini birinci oxunuşda təsdiqləyib

Deputat: İki komissiya üzvü ilə yetkinlik yaşına çatmayanların problemlərini həll etmək çətindir

Uşaq hüquqlarının müdafiəsi üzrə komissiyalar təhsil müəssisələrində monitorinq aparacaq

Komitə sədri: Yetkinlik yaşına çatmayanların işləri ilə bağlı təkliflər hazırlanıb

Yetkinlik yaşına çatmayanlarla bağlı komissiyaların səlahiyyətlərinin artırılması təklif olunur