Qərbi azərbaycanlıların 93 faizdən çoxu tarixi torpaqlarını məcburiyyət altında tərk etdiklərini düşünür - SORĞU

Qərbi Azərbaycanlılar arasında keçirilən rəy sorğusunun nəticələrinə əsasən, Qərbi Azərbaycanlıların 93,1 faizi tarixən yaşadıqları torpaqları məcburiyyət altında tərk etdiklərini bildiriblər.

“Sizinxeber.az” xəbər verir ki, bu, Sosial Tədqiqatlar Mərkəzinin keçirdiyi sorğunun nəticəsində əksini tapıb.

Bildirilib ki, bu nəticə Ermənistan hökumətinin etnik təmizləmə siyasətini təsdiq etməklə, azərbaycanlıların öz tarixi torpaqlarını zorakılıq, təzyiq və təhlükələr şəraitində tərk etmək məcburiyyətində qaldığını göstərir:

“0,7%-lik göstərici isə könüllü olaraq köç edənlərin məhz 1988-ci ildən əvvəlki dövrə aid olanlar olduğunu müəyyən edir. Sorğu iştirakçılarının 6,2%-i bu sualı cavablandırmaqda çətinlik çəkib”.