Bayramla əlaqədar Xankəndiyə tursit səfərləri artıb

31 Dekabr - Dünya Azərbaycanlılarının Həmrəyliyi Günü və Yeni il münasibətilə Xankəndi şəhərinə səfər edən turistlərin sayı artıb.

"Sizinxeber.az"un Qarabağ bürosunun verdiyi xəbərə görə, Zəfər meydanında təşkil edilən “Qış nağılı” yarmarkasında bayram çoşqusu davam edir.

Bakıdan və ətraf rayonlardan Xankəndiyə gələn insanların sayında artım müşahidə edilir.

Qonaqlar şəhərdə “Qış nağılı” yarmarkasını ziyarət etməklə bərabər, buranın gəzməli, görməli yerləri ilə tanış olaraq şəkil çəkdirirlər.