Təyyarə qəzasında həlak olan Leyla Bayramova Mehdiabadda dəfn edilib - YENİLƏNİB

AZAL-a məxsus sərnişin təyyarəsinin Qazaxıstanın Aktau şəhəri yaxınlığında dekabrın 25-də qəzaya uğraması nəticəsində həlak olan 1963-cü il təvəllüdlü Leyla Bayramova ilə vida mərasimi başa çatıb.

"Sizinxeber.az"un yerli bürosunun məlumatına görə, onun nəşi Mehdiabad qəsəbə qəbiristanlığında dəfn edilib.

Dəfn mərasimində L.Bayramovanın doğmaları, rəsmi şəxslər, hüquq-mühafizə orqanlarının rəhbərləri, idarə, müəssisələrin əməkdaşları, ictimaiyyət nümayəndələri iştirak ediblər.

AZAL-a məxsus sərnişin təyyarəsinin Qazaxıstanın Aktau şəhəri yaxınlığında dekabrın 25-də qəzaya uğraması nəticəsində həlak olan 1963-cü il təvəllüdlü Leyla Bayramovanın nəşi Sumqayıt şəhərinə gətirilib.

"Sizinxeber.az"un yerli bürosunun məlumatına görə, qəzada həlak olan L.Bayramovanın nəşi ailəsinə təhvil verilib.

Hazırda onunla vida mərasimi keçirilir.

Qeyd edək ki, dekabrın 25-də Bakı-Qroznı reysini yerinə yetirən “Embraer 190” tipli sərnişin təyyarəsinin Aktau şəhəri yaxınlığında qəzaya uğraması ilə əlaqədar Prezident İlham Əliyev dekabrın 26-sının Azərbaycanda matəm günü elan olunması barədə Sərəncam imzalayıb.