Azərbaycan və Rusiya arasındakı müttəfiqlik sazişinin üzərindən Rusiyanın güc strukturları xətt çəkib.

Bu sözləri “Sizinxeber.az”a açıqlamasında politoloq Fikrət Sadıqov deyib.

O bildirib ki, Rusiyada baş vermiş son hadisələr iki tərəfli münasibətlərə xələl gətirib:

“Azərbaycan və Rusiya arasında bir sıra sazişlər, eləcə də müttəfiqlik haqqında saziş imzalanıb. Bu sazişlərdən sonra azərbaycanlıların Rusiyada təzyiqə məruz qalmasını başa düşmək olmur. Sözügedən sazişlərə Rusiyanın güc strukturları tərəfindən xətt çəkilir. Belə bir hərəkəti onlar özbaşlarına edə bilməz. Güman ki, bununla bağlı müəyyən tapşırıqlar alıblar. Bu tapşırıqları verənlər də yuxarı mərtəbələrdə əyləşiblər. Bu iki ölkə arasında olan münasibətlərə zərbədir. Ola bilsin ki, Azərbaycanın müstəqil siyasəti onları qıcıqlandırır. Bu, reallıqdır, onlar bu reallığı qəbul etməli, baş verən hadisələrə görə üzr istəməli və izahat verməlidirlər”.

Oxşar xəbərlər

Deputat: Rusiyada azərbaycanlılara qarşı təqiblər kütləviləşərsə, münasibətlərə zərbə vura bilər

Ekspert: Rusiyada azərbaycanlılara qarşı törədilmiş hadisə məqsədyönlüdür, müttəfiqlik ruhuna ziddir

Peskov: Moskva və Vaşinqton arasındakı qaynar xətt istifadə olunmur

Rusiyalı ekspert: Rusiya ilə Azərbaycan arasında münasibətlər müttəfiqlik səviyyəsinə çatıb

Azər Badamovun Moskva hava limanında saxlanılması iki ölkə arasında münasibətlərə zərbə vurur - RƏY