"Ermənistan Azərbaycanla tezliklə sülh sazişi imzalamaq niyyətindədir".

Oxu.Az erməni KİV-ə istinadən xəbər verir ki, bunu Ermənistanın xarici işlər naziri Ararat Mirzoyan parlamentin iclasında deyib.

O, həmçinin Bakı ilə sülh sazişinin bağlanması təşəbbüsünün əleyhinə olan parlamentdəki müxalifət nümayəndələrini kəskin tənqid edib.

"Yaxşı, biz sülh müqaviləsini rədd edəcəyik, müəyyən bəndləri ilə razılaşmayacağıq və ümumiyyətlə Azərbaycanı, bütün qonşularımızı, bütün islam dünyasını, düz Okeaniyaya qədər hər kəsi düşmən elan edəcəyik. Nə olsun? Sizdən hələ də vətənpərvərlik mövzusunda masa arxasında çıxışlar istisna olmaqla, heç bir anlaşılan təklif eşitməmişik", - o vurğulayıb.

Mirzoyan bir daha Bakı və İrəvanın sülh müqaviləsi imzalayacaqlarına ümid etdiyini bildirib.