Pəhriz zamanı da dadlı yeməklər yemək olar
Pəhriz zamanı da dadlı yeməklər yemək olar

Pəhriz zamanı da dadlı yeməklər yemək olar

Hər bir pəhriz aclıq, halsızlıq və stress deməkdir. Xörəkləri tərəvəzlərlə əvəz edib, duzu, yağı, çörəyi rasiondan çıxartmaq isə ləziz yeməkləri xoşlayan insan üçün əsl dəhşətdir. Arıqlamaq naminə gecələr ac yatmaq insanın yuxusuna da haram qatır. Bu rejim işgüzar insanın fəaliyyətinə də mənfi təsir edir. Bəs elə isə dadlı yeməklərdən imtina etmədən, necə arıqlamaq olar?

Axşam.az xarici mətbuata istinadən bir çox qidalardan imtina etmədən saxlaya biləcəyiniz pəhrizi təqdim edir.

Pəhrizin məqsədi:
Bu pəhriz arıqlamağı problem edib, nəfsini cilovlaya bilməyən, iradəsiz tənbəllər üçün nəzərdə tutulub.

Dietik reseptlər:

Səhər acqarına meyvə yeyin, ya da istədiyiniz tərəvəzin şirəsini için.

Paştet:
Yağsız kəsmik və soyutma mal ətini maşından keçirib, 20 qr. süd ilə qarışdırın. Qarışığa xırda doğranmış şüyüd əlavə edib, zövqə görə duz və istiot tökün. Alınmış qarışığı istədiyiniz formaya salıb, süfrəyə verə bilərsiniz.

Soyutma balığı və yumurtanı ət maşınından keçirib, qarışığa 2 xörək qaşığı süd və xırda doğranmış cəfəri əlavə edib, qarışdırıb, formaya salın.

Salat:
Kələmin yarpaqlarını yuyub, qurulayıb, qaynar dəmirin üzərində qızardın. Kənarda ağ, duzsuz və
yağsız pendiri əzib, içinə krab çubuqları, doğranmış şüyüd və fındıq (badam) əlavə edib, qarışdırın. Duz və istiot çox az vurulur. Qarışıq kələmin içinə yerləşdirilib, bükülür və bir müddət soyuducuda saxladıqdan sonra süfrəyə verilir.

İsti yemək: 
Balığı doğrayıb, duzlayıb, üzərinə yarım limonun şirəsini sıxın. Bir stəkan suya töküb, bişirin. Başqa qazanda isə 50 qr. yuyulmuş düyüyə xırda doğranmış tərəvəzlər, yarım stəkan ət bulyonu və 1 stəkan su töküb bişirin. Düyünü balıqla birgə boşqaba çəkib, süfrəyə verin.

Şirniyyatdan imtina edə bilməyənlərə:

Desert:

• Almaların qabığını soyub, iki yerə bölüb, tumunu və saplağını təmizləyib, üzərinə darçın töküb,
ağzıaşağı vəziyyətdə qazana yerləşdirin. Üzərinə yarım stəkan su töküb, vam odda bişirin. Desert
süfrəyə isti və soyuq halda verilə bilər.

• Meyvələri xırda-xırda doğrayıb, üzərinə qatıq (yoqurt) və bəhməz (bal) töküb, qarışdırın. Süfrəyə verəndə üzərinə fındıq (badam) rəndələyin.

Kokteyl:

• Yarım stəkan südün içinə sürtgəcdən keçirilmiş istənilən meyvəni (banan, əncir və üzümdən başqa) əlavə edib, darçın səpib, süfrəyə verin.

• İstədiyiniz meyvələri (banan, üzüm və əncirdən başqa) şirəçəkən maşından çəkib, içinə 1 çay qaşığı dondurma və çərəz əlavə edib, qarışdırın.

Diqqət!
• Pəhriz ərəfəsində ayaqüstü qəlyanaltıdan imtina etmək, şəkəri, duzu azaltmaq, çörəyi lavaşla və ya suxarı ilə əvəz etmək məsləhətdir.
• Gün ərzində aclıq hiss edirsənsə, qatıq ye, qara, yaşıl, meyvəli və ya bitki çayı iç.
• Axşam 6-dan sonra dəhşətli aclıq hiss edirsənsə, desert ye, ya da kokteyl iç. 

Pəhrizin nəticəsi:
• Artıq çəkidən xilas olmaq
• Özünü rahat və yüngül hiss etmək
• Qarın və aşağı ətrafdakı piyləri «yandırmaq»
• Sellülitdən azad olmaq
• Dərinin elastikliyini qorumaq
• Aşağı ətraflarda dəri yığılmasını və çöküntüləri hamarlaşdırmaq
• Təmiz və təravətli üz dərisinə sahib olmaq.

Sizinxeber.Az

Pəhriz zamanı da dadlı yeməklər yemək olar

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Giriş Yap

Yandex.Metrica
Giriş Yap

Sizinxeber.Az saytınnan daha geniş yararlanmaq üçün daxil olun və ya hesab yaradın tamamilə pulsuzdur!