Nağdsız ödənişlərin təşviqi və biznesin xərclərinin azaldılması məqsədilə MCC tariflərində balanslaşdırılmış yanaşma tətbiq olunub.

"Sizinxeber.az" xəbər verir ki, bunu Azərbaycan Mərkəzi Bankının (AMB) Baş proqram təminatı mühəndisi Tofiq Acırqayev "X Beynəlxalq Maliyyə və Bankçılıq Sammiti"ndə deyib.

Onun sözlərinə görə, yeni tariflərə əsasən ərzaq mağazaları və apteklərdə aparılan əməliyyatlar üçün 1,25 %, yanacaqdoldurma məntəqələri üzrə 0,75 %, digər ümumi MCC kateqoriyaları üzrə isə maksimum 1,5 % tarif müəyyən edilib.

T. Acırqayev bildirib ki, dəyişikliklərin əsas məqsədi acquirer bankların (ödənişləri qəbul etmək üçün ticarət və xidmət obyektlərinə (satıcılara) xidmət göstərən maliyyə qurumu) xərclərini azaltmaq, bununla da təsərrüfat subyektləri üçün xidmət haqlarının aşağı düşməsinə şərait yaratmaq və nağdsız ödənişlərin daha geniş yayılmasını təşviq etməkdir.

"Tariflər müəyyən edilərkən "acquirer" və "issuer" (emitent) bankların, eləcə də təsərrüfat subyektlərinin maraqları arasında balansın qorunmasına xüsusi diqqət yetirilib", - deyə o vurğulayıb.

Oxşar xəbərlər

AMB ödəniş təşkilatları arasında interçeync tariflərinin dəyişməsini şərh edib

AMB: Ani Ödənişlər Sistemində əməliyyatların sayı 5 ildə 86 dəfə artıb

Vüsal Xəlilov: ""AZQR ödənişləri bizneslərin xərclərini azaldacaq"

Vüsal Xəlilov: "Maliyyə sektorunda iki çağırış mövcuddur"

Kartdan karta deyil, POS-terminal üzərindən: Nağdsız ödənişlərin düzgün tətbiqi yolları