Rəqəmsal bankçılıqla bağlı düşüncə tərzi dəyişməlidir.

"Sizinxeber.az" xəbər verir ki, bunu Ümumdünya Banklararası Maliyyə Telekommunikasiya Cəmiyyətinin (Society for Worldwide Interbank Financial Telecommunication - SWIFT) MDB ölkələri və Qafqaz regionu üzrə ölkə meneceri İrina Lorer Bakıda keçirilən X Beynəlxalq Maliyyə və Bankçılıq Sammitində bildirib.

"Əsas səhv yalnız texnologiyaya fokuslanmaqdır. Məncə, daha geniş yanaşma sərgiləyərək ümumi əməliyyat proseslərinə baxmalıyıq. Məsələn, ödənişlər sahəsində regionda tez-tez rast gəlinən problem budur ki, banklar müəyyən iş saatlarına uyğun fəaliyyət göstərirlər. Adətən bu, saat 09:00-dan 18:00-a qədər olur və bu saatlardan sonra bütün əməliyyatlar, o cümlədən ödənişlər dayandırılır. Nəticədə müştəri növbəti iş gününü gözləməyə məcbur qalır ki, ödəniş icra olunsun. Lakin müştərinin gözləntisi artıq fərqlidir - dünya bu modeldən çoxdan uzaqlaşıb. İstifadəçilər 24/7 rejimində işləyən, ani ödənişlər gözləyirlər; bu yalnız ölkədaxili deyil, həm də sərhədlərarası ödənişlərə aiddir. Bu isə bankların düşüncə tərzini və əməliyyat modellərini dəyişməsini tələb edir. Bu, sadəcə bir nümunədir - belə hallar kifayət qədər çoxdur", - deyə o qeyd edib.

Oxşar xəbərlər

SWIFT: Bank müştərilərinin 20 %-i beynəlxalq ödənişlərin izlənilməsindən razıdır

SWIFT: Beynəlxalq köçürmələrdə səhvlərin qarşısını almaq üçün yeni xidmətlər təklif edirik

İran SWIFT sistemini ACUMER-lə əvəzləyib

Azərbaycandakı elektron pul və ödəniş təşkilatları “SWIFT”ə qoşulmağa başlayıb

Zakir Nuriyev: "Türk dövlətləri hesablaşmalar sahəsində əməkdaşlığı genişlənidirir"