Türk dövlətlərinin maliyyə potensialı birgə əməkdaşlıqla daha da güclənəcək.

"Sizinxeber.az" xəbər verir ki, bunu "X Beynəlxalq Maliyyə və Bankçılıq Sammiti"ndə Türkiyə Banklar Birliyinin Baş katibi Nurullah Bakır deyib.

Onun sözlərinə görə, türk dövlətləri gənc əhalisi, sürətlə inkişaf edən iqtisadiyyatları və güclü bank sektoru ilə qlobal maliyyə sistemində böyük potensiala malikdir: "Birgə layihələr, əməkdaşlıq və koordinasiyalı fəaliyyətlər bu potensialı daha da gücləndirir və gələcəkdə onun tam reallaşmasına töhfə verəcək. Qarşıda görüləcək işlər və keçiləcək uzun yol var. Türkiyənin bu sahədə formalaşmış zəngin bilik bazasını, təcrübəsini və texnoloji imkanlarını dost və qardaş ölkələrlə bölüşməyə hər zaman hazır olduğunu müxtəlif platformalarda vurğulayırıq".

O qeyd edib ki, Türk Dövlətlərinin Bank Assosiasiyaları Şurası regionun maliyyə gələcəyinin formalaşdırılmasında mühüm missiya daşıyır: "Şura həm ölkələrimiz, həm də assosiasiyalarımız arasında əlaqələrin möhkəmlənməsinə xidmət edir, eyni zamanda iqtisadiyyatlarımızın qlobal maliyyə sistemindəki rolunu artıran vacib platforma kimi çıxış edir".

Oxşar xəbərlər

Məmməd Musayev: "Türk dünyası beynəlxalq arenada təşkilatlanmış güc kimi çıxış etməkdədir"

Vüsal Qasımlı: "Türk dövlətləri dünya ticarətinin 3,5 %-ni təmin edir"

Nazir müavini: Türk Dövlətləri Təşkilatı daha da güclü olacaq

Türk dövlətləri arasında qarşılıqlı ticarətin illik dəyəri açıqlanıb

Şavkat Mirziyoyev: Türk Dövlətlərinin birgə universitetinin yaradılması planlaşdırılır