"Nova Credit" BOKT-un maliyyə göstəriciləri açıqlanıb

"Nova Credit" MMC bank olmayan kredit təşkilatı (BOKT) 2025-ci ili 22,997 milyon manat xalis mənfəətlə başa vurub. Halbuki, BOKT 2024-cü ildən 73 min manat zərərlə çıxmışdı.

"Sizinxeber.az" BOKT-un maliyyə hesabatına istinadən xəbər verir ki, ötən il "Nova Credit"in vergiyəqədərki mənfəəti 28,726 milyon manat (əvvəlki il zərər olub), mənfəət vergisi ödəmələri isə 5,728 milyon manat (əvvəlki il mənfəət vergisi ödəməyib) təşkil edib.

Bu il yanvarın 1-nə "Nova Credit"in aktivləri 137,499 milyon manat olub ki, bu da illik müqayisədə 126,5 dəfə çoxdur. Bunun 135,599 milyon manatı müştərilərə verilmiş kreditlərdir. 2025-ci ildə BOKT-un kredit portfeli 858,2 dəfə artıb.

Hesabat dövründə "Nova Credit"in öhdəlikləri 624,8 dəfə artaraq 105,585 milyon manata çatıb, balans kapitalı isə 34,8 dəfə artaraq 31,915 milyon manata, nizamnamə kapitalı isə 9 dəfə artaraq 9 milyon manata çatıb.

Xatırladaq ki, "Nova Credit" 2023-cü ildə yaradılıb.