Bu ilin I rübündə İqtisadiyyat Nazirliyi yanında Əmlak Məsələləri Dövlət Xidməti özəlləşdirmə və icarədən dövlət büdcəsinə 93,6 milyon manat köçürüb.

"Report" Dövlət Xidmətinə istinadən xəbər verir ki, bu, ötən ilin eyni dövrü ilə müqayisədə 84,6 % çoxdur.

Məlumata görə, yanvar-mart aylarında 14 hərrac keçirilib. Hərraclarda 3 səhmdar cəmiyyətinin səhm paketi və 298 nəqliyyat vasitəsi özəlləşdirilib. Bunun hesabına büdcəyə 79,8 milyon manat vəsait daxil olub.

Bundan başqa, rüb ərzində 141-i qeyri-yaşayış, 1 127-si torpaq sahələri üzrə olmaqla 1 268 yeni icarə müqaviləsi bağlanılıb. Bunun hesabına büdcəyə 13,8 milyon manat köçürülüb.

Son 1 ildə özəlləşdirmə gəlirləri 98 %, icarə gəlirləri isə 32,7 % artıb.

Oxşar xəbərlər

Əmlak Məsələləri Dövlət Xidməti büdcəyə ödəmələri 39 % artırıb

Əmlak Məsələləri Dövlət Xidməti büdcəyə ödəmələri 40 %-dən çox artırıb

Azərbaycanda dövlət əmlakları ilə bağlı icarə müqavilərinin sayı 21 % artıb

Azərbaycanda dövlət əmlakının icarəsindən büdcə daxilolmaları 21 %-dən çox artıb

Naxçıvanda dövlət əmlakının icarəsindən büdcəyə daxilolmalar 48 % artıb