Beynəlxalq Valyuta Fondu (BVF) 2019-cu ildən bəri ilk dəfə Venesuela ilə əməkdaşlığı bərpa edib.

"Report" xəbər verir ki, bu barədə maliyyə təşkilatının mətbuat xidmətinin bəyanatında deyilir.

"BVF-də səslərin əksəriyyətini təmsil edən üzv dövlətlərin mövqeyinə əsaslanaraq və formalaşmış təcrübəni rəhbər tutaraq icraçı direktor Kristalina Georgiyeva bu gün (16 aprel - red.) BVF-nin səlahiyyətli prezident Delsi Rodrigesin rəhbərlik etdiyi Venesuela hökuməti ilə qarşılıqlı fəaliyyətə başladığını bildirib", - sənəddə qeyd olunub.

BVF əlavə edib ki, Venesuela 1946-cı ilin dekabrından fondun üzvüdür.

"Hökumətin tanınması ilə bağlı yaranan çətinliklərlə əlaqədar olaraq bu ölkə ilə əməkdaşlıq 2019-cu ilin mart ayında dondurulmuşdu", - fond dəqiqləşdirib.

Oxşar xəbərlər

Venesuela USAID-i hökumətin devrilməsini maliyyələşdirməkdə ittiham edib

Venesuela Çinlə dostluq və əməkdaşlığı gücləndirib

Venesuela prezidenti ölkədə fövqəladə iqtisadi vəziyyət elan edəcək

Venesuela ordusu Ali Məhkəmənin Maduronun prezident seçilməsi qərarını dəstəkləyib

Venesuela Qayana ilə mübahisəyə dair sənədləri BMT-yə təhvil verib